Y PARCH. RICHARD JONES, o'r Bala.
(Yn Mynwent Llanycil, Meirion.)
'Nol hir a thir leueru—a'i Geidwad
Yn gadarn was'naethu ;
A'i goethaidd ddewr bregethu,
Daeth mewn hedd i'r dyfnfedd du.
Y PARCH. ROBERT MORGAN.
Gweinidog gyda'r Bedyddwyr, yn Harlech, Meirion.
Dyhidlai od hyawdledd—llefarai
Holl fwriad trugaredd;
Gwel ei uniawn gul anedd,
Diamau fan, dyma ei fedd.
—Ioan Twrog.
Y PARCH. WILLIAM ROBERTS, Clynnog.
Pregethwr, awdwr ydoedd, —agorwr
Geiriau glân y nefoedd;
Pur hoff yw d'weud—prophwyd oedd
Yn llewyrch ei alluoedd.
}—Eben Fardd.
Y PARCH. RICE JONES, Offeiriad Llanystumdwy.
(Yn Mynwent Llanystumdwy, Arfon.)
Pregethwr, awdwr ydoedd,—hoff urddas,
Hyfforddiant i filoedd;
Athraw odiaeth weithredoedd,
A geiriau mêl angel oedd.
Y PARCH. GRIFFITH SOLOMON, Lleyn.
Gŵr a hoffid oedd Gruffydd;—ei ddawn ffraeth |