Gwirwyd y dudalen hon
ROWLAND HUGH, o'r Graienyn, ger y Bala.
(Ganddo ef ei hun.)
| Noeth y daethym, | ||
| Noeth yr aethym | } | yma i dario ; |
| Mwya dirym | ||
| Lle câf hepian | ||
| Nes dêl anian | } | i'm dihuno |
| Duw ei hunan |
JOHN THOMAS, (Ioan ap Hywel)
.
(Bardd ieuangc a Cherddor.)
Pwy! pwy! pwy!—oh! Ioan ap Hywel—sydd
Is hon mewn cwsg tawel;
Hoffai beirdd a phawb ei arddel,
Caruaidd ŵr mwyn, cerddor mêl.
—Eben Fardd.
Bedd DEWI ARFON,
(Yn Llanberis.)
Yma y gorwedd gweddillion
Y PARCH. DAVID JONES, (Dewi Arfon,)
Bardd, Pregethwr ac Ysgolfeistr;
yr hwn a fu farw
Rhagfyr 25ain, 1869, yn 36 ml. oed.
O! ddiallu weddillion !—ynoch chwi
Ni cheir Dewi Arfon;
Angel—luniwr englynion
Fydd fyw'n hwy na'i fedd-faen hon.
Cofio llais cyfaill Iesu―dreigla iâs
Drwy eglwysi Cymru;
Gwylaidd fab i'r Arglwydd fu—
Rhaid oedd ei anrhydeddu.
—Tudno.
Fel hyn y chwenychai ei gyfeillion ei anrhydeddu.
