Gwirwyd y dudalen hon
CHWE' PHLENTYN HUGH ROWLANDS, Caernarfon,
sef tri mab a thair merch a fuont feirw o bedwar mis i ddeng mlwydd oed.
O'r un rhieni yr hanym,—yn dri mab,
Ac yn dair merch oeddym,
Yn more oes, yma'r ym
O amryw oed—meirw ydym.
—Caledfryn.
Yn Mynwent LLANGWM, Sir Ddinbych.
Bu marw yn elw eiloes—i'r eneth,
Mor anwyl ei beroes;
Er ing drud, yr angau droes
I'r eneth yn wawr einioes.
—Ioan Pedr.
Yn Mynwent LLANFAIRTALHAIARN, Sir Ddinbych.
I'w fedd byr aeth Dafydd bach,―ni welir
Ef yn wylo mwyach;
Oedd ddoe'n dlws,—heddyw'n dlysach,
Yn ymyl Nêr mola'n iach.
—Iolo Mon.
DAU BLENTYN.
Y ddau rosyn gwỳn têg wedd,—er edwi
Dan oer adwyth llygredd,
A darddant o bant y bedd,
A gwenant mewn gogonedd.
—Cynddelw
