147[1] Rhinweddau'r Groes.
664. 6664.
1 ARHOSAF ddydd a nos,
Byth bellach dan dy groes,
I'th lon fwynhau;
Mi wn mai'r taliad hyn,
Wnaed ar Galfaria fryn,
A'm canna oll yn wyn
Oddi wrth fy mai.
2 Yn nyfnder dŵr a thân,
Calfaria fydd fy nghân,
Calfaria mwy:
Y bryn ordeiniodd Duw
Yn nhragwyddoldeb yw,
I godi'r marw'n fyw
Trwy farwol glwy'.
3 Af bellach tua'r wlad
Bwrcaswyd im â gwaed;
'R wyf yn nesáu :
Caf yno oll i'm rhan
Sydd eisiau ar f'enaid gwan,
A hynny yn y man,
I'w bur fwynhau.
William Williams, Pantycelyn
148[2] "Iddo Ef." .
664. 6664.
"'DOES destun gwiw i'm cân
Ond cariad f'Arglwydd glân,
A'i farwol glwy';
Griddfannau Calfari
Ac angau Iesu cu
Yw 'nghân a'm bywyd i—
Hosanna mwy!
2 Caniadau'r nefol gôr
Sydd oll i'm Harglwydd Iôr
A'i ddwyfol glwy':
