Tudalen:Llyfr Emynau MC a MW 1930.pdf/385

3 O! Brynwr mawr y byd,
Tyrd bellach, mae'n iawn bryd,
Mae yn brynhawn;
Gad imi weld dy ras
Ar frys yn torri i maes
Dros ŵyneb daear las,
Yn genllif llawn.
Cadw'r Llwybr Cul.

William Williams, Pantycelyn

506^[1] Cadw'r llwybyr cul
664. 6664.

1 GWNES addunedau fil
I gadw'r llwybyr cul,
Ond methu'r wy';
Preswylydd mawr y berth,
Chwanega eto nerth
I ddringo'r creigiau serth
Heb flino mwy.

2 Gelynion lawer mil
Sy o ddeutu'r llwybyr cul,
A minnau'n wan;
Dal fi â'th nerthol law
Rhag cŵympo yma a thraw:
Ym mhob rhyw drallod ddaw
Bydd ar fy rhan.

3 Dan gysgod gwych y pren
Sy â'i frigau uwch y nen,
Trig f'enaid byw;
Er g'lynion rif y gwlith,
A sŵn y stormydd chwith,
Mi lechaf tano byth,
Fy noddfa yw.

Morgan Rhys

507^[2] "Gwyn ei fyd."
664. 6664.

1 GWYN fyd y duwiol was
Sy'n rhodio llwybrau gras

1. Emyn rhif 506, Llyfr Emynau y Methodistiaid Calfinaidd a Wesleaidd 1930
2. Emyn rhif 507, Llyfr Emynau y Methodistiaid Calfinaidd a Wesleaidd 1930