Tudalen:Llyfr Emynau MC a MW 1930.pdf/443

Adeilad gref—y graig yn sylfaen,
Arglwydd, dyro imi'n awr;
Llanw f'enaid i â'th gariad
Tra fwy'n teithio daear lawr.

Arthur Evans, Cynwil

597^[1] Brawd mewn Cyfyngder
88. 87. D.

1 WYNEB siriol fy Anwylyd
Yw fy mywyd yn y byd,
Ffárwel bellach, bob eilunod,
Iesu 'Mhriod aeth â'm bryd ;
Brawd mewn myrdd o gyfyngderau,
Ffrind mewn môr o ofid yw ;
Ni chais f'enaid archolledig
Neb yn feddyg ond fy Nuw.

2 Dyddiau blin fy mhererindod
Sydd ar ddarfod, yn ddi-lai ;
Ffárwel yfed dyfroedd Mara,
I ddinas arall 'r wy'n nesáu;
Teimlo f'enaid 'r wy'n ymadael
Â'r creaduriaid ar y llawr ;
Fy hiraeth beunydd sy am fynd adre'
I'r dedwydd dragwyddoldeb mawr.

Morgan Rhys

597^[2] Ymhyfrydu yng Nghrist a'i Groes
88. 87. D.

Ni ddichon byd â'i holl deganau
Fodloni fy serchiadau'n awr,
A enillwyd, a ehangwyd
Yn nydd nerth fy Arglwydd mawr;
Ef, nid llai, a eill eu llenwi,
Fythol ddiamgyffred Dduw ;
O! am syllu ar ei Berson :
Rhyfeddod pob rhyfeddod yw.

1. Emyn rhif 597, Llyfr Emynau y Methodistiaid Calfinaidd a Wesleaidd 1930
2. Emyn rhif 597, Llyfr Emynau y Methodistiaid Calfinaidd a Wesleaidd 1930