Paham yr ofnaf mwy?
Y Duw a'u daliodd hwy
A'm dyga innau drwy
Ei dyfroedd dyfnion.
Evan Evans (Ieuan Glan Geirionydd)
661[1] Hiraeth am y Nef.
66.66.88.
CAERSALEM, dinas hedd,
O! na bawn yno'n byw;
O hyd cawn weled gwedd
A llewyrch wyneb Duw:
Mae weithiau'n dywyll arna'i 'n awr;
Fy haul nid â byth yno i lawr.
2 Yn Nuw ymddiried 'r wy'
Am gymorth oddi fry;
Fe'm dygodd eisoes trwy,
Do, gyfyngderau lu;
Hyderus eto wyf trwy ffydd
Yn nerth fy Nuw caf gario'r dydd.
3 Caf weld f'Anwylyd cu
Pan elwyf draw i dre',
Yr Hwn o'i gariad fu
Yn dioddef yn fy lle;
Caf weld yr Iesu-digon yw ;
Mae'r Oen a laddwyd yno'n fyw.
Dafydd Jones o Gaeo
662[2] Pen y Daith.
66.66.88.
MAE lluoedd maith ymlaen,
'N awr o'u carcharau'n rhydd,
A gorfoleddu maent
Oll wedi cario'r dydd:
I'r lan, i'r lan diangasant hwy,
Yn ôl eu traed y sangwn mwy.
