Gwirwyd y dudalen hon
"Mae gennym newydd da o Dŷ'n-y-Graig:
'Does ŵr ers wythnos wedi curo'i wraig."
"Nid oes un rhith
O wir mewn stori a gaed o Bentre-chwith
Yn dweud bod Twm Siôn Segur wedi 'mgrogi;
Hoedl Twm Siôn sy'n saff,
Gormod yw ei ddiogi
I glymu'r rhaff."
Mae Wil Ben—ysgon wedi mynd ar goll
O Bentre Siswrn, ar ôl codi'r doll;
Tybir mai awel dro
A'i cipiodd o."
"Bu'n hir ar led
Sŵn o Ffair Rhos i Lansanffrêd,
Ac aeth y stori'n rhydd
O gyrrau Dyfi i Gaerdydd,
Toc fe ddeffroes y sôn
Ororau mud Eryri a Môn—
Fod Bugail ieuanc Bryn-yr-ŵyn
A'i lygad ar Fugeiles o Bentwyn.
"Weithion fe syrth y llen
Ar ramant Bugail a'i Fugeiles wen.
Bu'r ffordd i'r allor yn bur faith,
Gweler tudalen 7;
Yno fe geir i gyd
Y rhamant ar ei hyd."
