Tudalen:Prif Feirdd Eifionydd.djvu/31

Llew olwg oedd Llywelyn
I'r arth o Sais, Iorwerth syn;
Sawdwr sydyn
O fro i fryn.

Glandwr, glun dew
Gwladwr gloewdew
Gwnai ar Sais arwlais oerlew,
E eilliai flaidd hyll ei flew.

Bu o'r genedl wiwber gannoedd
Yn ymryson amryw oesoedd
A thrinoedd o uthr anian.
Y gormeswyr egr eu moesau,
Aflonyddent fil aneddau;
Caf lefau o'u cyflafan.

Harri'r Modur, gwych Benadur,
Neud o Tudur, a'n datodai
O afaelion y gwyr trawsion;
I fyw'n rhyddion ef a'n rhoddai.
Maeddodd goryn
Llwyd ei gopyn, llidiog epa;
Lladdodd Rhisiart,
Trwyn y llewpart torrai'n llipa.

Gyrrai Fonwyson gur i fynwesau
Lluyddion Rhisiart i'w lladd yn rhesau;
Wyr Owen Tudur, a ro'i i'n tadau
Deg lonyddwch, diogel aneddau;
Mwy o ryddid a mawreddau—cawsant,
Fe wawriodd gwelliant i fyrdd o'u gwallau.

Heblaw mwynhad o ryddid gwladawl
E ddrylliwyd barrau dorau durawl
Cur a chaddug gorchuddiawl;—cai'r werin
Roddiad mwy iesin, ryddid moesawl.