Gwirwyd y dudalen hon
A'm hunig esgus tros ysgrifennu'r hanes yw ddarfod imi gyfarfod â bachgen deuddeg oed ryw fin nos o aeaf, yn edrych yn ddwys ar y lleuad lawn, gan holi popeth a ddeuai i'w feddwl yn ei chylch, a datgan dymuniad dwfn am fynd yno i weld y wlad trosto'i hun. Meddyliais fod eraill yn y tir, efallai, yn gofyn yr un cwestiynau, a dymuno'r un peth. Ac am hynny y carent gael hanes dau a anturiodd yno, ac a ddaeth yn ôl yn ddiogel.
