Tudalen:Tan yr Enfys.djvu/16

Gwirwyd y dudalen hon

John: Af i'r pentref i werthu'r esgidiau, a dof â rhagor o ledr yn ol.

Mari: Glanhâf innau'r ystafell, a heno ni gawn weled.

[LLEN.]

GOLYGFA IV: Yr un ystafell. John a Mari yn guddiedig. Pwca a dau neu dri chyfaill wedi eu gwisgo â sachlian yn dod i mewn tan ddawnsio o amgylch y fainc. Gweithiant tan ganu.

Pwca a'i Gyfeillion:

[Yn hwmian a chwarae'n ddireidus tan weithio.]

1. Gwaith, gwaith, gwaith,
Ar ein taith,
Helpu'r gwan
Fynd i'r lan.

2. Pwyth, pwyth, pwyth,
Chwech, saith, wyth,
Arian ddaw,
Byth i'ch llaw.

3. Dyma nhw,
Ar ein llw.
Melys dweyd,
Wedi'u gwneud.

[Yn dawnsio o amgylch yr ystafell, ac yn mynd allan. John a Mari yn dod i mewn.]

Mari: Wel, caton pawb! A welaist ti'r dynion bach yn gweithio?

John: Eu gweld! Do, bid siwr!