Tudalen:Tan yr Enfys.djvu/55

Y Flwyddyn a'i Chwmni.

Croeso:

Fe roddwn groeso cynnes
I bawb sydd yma 'nghyd,
Cewch gyngerdd da os byddwch
Yn ddistaw ar ei hyd.

Bu trafferth mawr i'n dysgu
Mewn llawen ddawns a chân;
Ond yr ym oll yn fechgyn
A merched bychain glân.

Mae'r cyngerdd 'nawr yn dechrau,
Gwrandewch, bob gradd ac oed,
Cans dyma'r cyngerdd gorau
A fu'n y Llan erioed.

Y Flwyddyn:

[Y Flwyddyn a'i Chwmni-Chwarae i Blant Bach.]

Myfi yw'r Flwyddyn Newydd,
A dof ar ysgafn droed;
Yr wyf yn hen, ac eto
Mor ifanc ag erioed.