Prawfddarllenwyd y dudalen hon
CCXCVIII. BRITH Y FUCHES.
MAE nhw'n dwedyd am yr adar,
Nad oes un o'r rhain heb gymar;
Gwelais dderyn brith y fuches,
Heb un cymar na chymhares.
CCXCIX. CALON DROM.
MAE'M calon i mor drymed
A'r march sy'n dringo'r rhiw,
Wrth geisio bod yn llawen,
Nis medraf yn fy myw;
Mae'r esgid fach yn gwasgu
Mewn man nas gwyddoch chwi,
A llawer gofid meddwl
Sy'n torri 'nghalon i.
CCC.NOS DA.
DOS i'th wely 'rwan,
Dos i'th wely 'rwan;
Dos i'th wely fel yr wyt,
Dos i'th wely 'rwan.
