Prawfddarllenwyd y dudalen hon
CXLVI. ESGIDIAU.
LLE mae 'i sgidie?
Pwy sgidie?
Sgidie John.
Pwy John?
John diti.
Pwy diti?
Diti 'i fam.
Pwy fam?
I fam e'.
Pwy e'?
E' 'i hunan.
CXLVII. ROBIN GOCH.
ROBIN goch ar ben y rhiniog,
A'i ddwy aden yn anwydog;
Ac yn dwedyd yn ysmala,—
Mae hi'n oer, mi ddaw yn eira."
CXLVIII. CHWARE.
CANWCH y gloch!
(Tynnu yn un o'r cudynau gwallt)
Curwch y drws!
(Taro'r talcen a'r bys)
Codwch y glicied!
(Gwasgu blaen y trwyn i fyny)
Dowch i mewn, dowch i mewn, dowch i mewn !
(Rhoi'r bys ar y wefus).
CXLIX. CARIAD.
MAE gen i gariad glân, glân,
Gwrid coch a dannedd mân;
Ei dwy ael fel ede sidan,
Gwallt ei phen fel gwiail arian.
