Prawfddarllenwyd y dudalen hon
CXCIII. SI SO.
SI so, jac y do,
Yn gwneyd ei nyth drwy dyllu'r to,
Yn gwerthu'r mawn a phrynnu'r glo,
Yn lladd y fuwch a blino'r llo,
Yn cuddio'r arian yn y gro,
A mynd i'r Werddon i roi tro,
Si so, jac y do.
CXCIV. I'R SIOP.
MAE gen i ebol melyn
Yn codi'n bedair oed,
A phedair pedol arian
O dan ei bedwar troed;
I'r siop fe geiff garlamu,
I geisio llonnaid sach
O de a siwgr candi
I John a Mari fach.
CXCV. CADW CATH DDU.
MAE gen i gath ddu,
Fu erioed ei bath hi,
Hi gurith y clagwydd,
Hi dynnith ei blu;
Mae ganddi winedd a barf,
A rheini mor hardd,
Hi helith y llygod
Yn lluoedd o'r ardd;
Daw eilwaith i'r ty,
Hi gurith y ci,—
Mi rown i chwi gyngor
I gadw cath ddu.
