Barddoniaeth Goronwy Owen (gol Llyfrbryf)/Reget Patris Virtutibus Orbem

Barddoniaeth Goronwy Owen

gan Goronwy Owen

golygwyd gan Isaac Foulkes

REGET PATRIIS VIRTUTIBUS ORBEM.

[Can yn Lladin o waith Cristopher Smart, cyfieithiad o'r hon a welir yn tudal. 48.]

PHOEBE pater, qui mellifluas Heliconis ad undas,
Dulcia divinæ fundis præcepta Thalia,
Linque sacras sedes, et jam majora canenti
Aspira, radiisque diem melioribus orna!
Sed quid opem hinc quæram, nostris in vallibus amnes
Dulce sonant, nostris in montibus augur Apollo
Regnat, et indigenas jactat quoque; Cambria Musas.

Salve, sancta dies, quo solvimus annua cuneti
Gaudia, adorantes nostrum de more patronum.
Et tu, qui patrem vitæ virtute redonas,
Quique ornas titulos, decus & superaddis honori,
O salve! ante omnes salve, celeberrime, Princeps!
O faveas populumque tuum, Britonumque tuorum
Accipias vota, et noster dignare vocari
Summe puer, quem fama vocat, quem gloria adoptat
Quem vasti pater oceani colit omnibus undis;

Tempus erit cum tu (non unquam indignus avorum
Ast atavos qui mente refers, et moribus æquas).
Ad Famæ templum porta virtutis adibis,
Atque infra positos regesque sophosque videbis :

Tenpus erit cum te (quâ gens nec inanior ulla)
Gallia tota colet, mixtoque timebit amore.
In manibus tibi erit mundis dare jura futuris
Et, nondum inventis populis imponere leges
Dum vestris læta auspiciis celeberrima floret
Cambria, jam prisci gens antiquissima mundi,
Tuque velut montes nostrates vertice colum
Sublimi feries, et cedet Laurea Porro.

Nodiadau