Caniadau Barlwydon Llyfr 1/Y Mynydd

← Galanas y Fellten

Caniadau Barlwydon Llyfr 1 gan Robert John Davies (Barlwydon)

Cerddoriaeth →

Y MYNYDD

LLE unig, ban, a llonydd—heulog fan
Golygfeydd yw'r mynydd;
Mwynder hoen i'm henaid rydd—
Doniol bwlpud awenydd.

Am ei goryn myg wyro—wna' cwmwl,
Cymer ei sedd arno;
Gwynfaol, deg nifwl dô
Draw estyn orchudd drosto.

Hyd ei oror y daran—ddaw eilwaith,
Gyrr ddolef drwy bobman;
Llidiog dwrf y melltiog dân
Enyna galon anian.

Wele fan tarddle afonydd,—tudwedd
Gwyllt adar yw'r mynydd;
Aros ar ei uchder sydd
Yn rhwym hoelio'r ymwelydd.