Caniadau Buddug/Cerdyn Nadolig
| ← Priodas | Caniadau Buddug Caniadau gan Catherine Prichard (Buddug) Caniadau |
Aros yn yr Iesu |
CERDYN NADOLIG
BOED llawenydd diddan diddig
I chwi oll ar Ddydd Nadolig,
Mwy na hynny, boed i'ch llonder
Bara'n hwy na dyddiau'r ddaear.
Bydded i chwi sylweddoliad,
Ar y dydd y ganwyd Ceidwad,
Ceidwad i rai gwael colledig,
Boed ei enw'n fendigedig;
Am ei ddwyfol gariad rhyfedd
Rhoddwn iddo wiw glodforedd.