Caniadau Owen Lewis (Glan Cymerig)/Er Cof am Mrs Janet Evans

← Y Bedd

Caniadau Owen Lewis (Glan Cymerig) gan Owen Lewis (Glan Cymerig)

Llyn Tegid a'r amgylchoedd →

ER COF

Am Mrs. Jannet Evans, Plase, Bala.

CHWITH yw meddwl na chawn eto
Wrando ar ei chynghor hi,
Tystio hyn mae dagrau hiraeth
Geir ar lawer grudd yn lli;
O mor anwyl oedd ei gweled
Yn ei chartref ar ei sedd,
Ah! mor drwm yw'r syniad heno
Ei bod hithau yn y bedd.

Yn yr Ysgol Sul mae gwagder
Ag sydd yn dyfnhau ein clwy',
Tra'n awgrymu gyda phrudd—der
Na ddychwelai yma mwy,
Ac mor anhawdd ydyw imi
'Nawr anghofio 'i siriol wedd,
Ond 'rwy'n gorfod pan yn cofio
Ei bod hithau yn y bedd.

Sibrwd awen ei hoff enw,
Edrych trwy ffenestri ffydd;
Clir oleuni deifl yr hanes,
Gwawr yn adgof haner dydd;
Gobaith edrych dros y gorwel
Drwy syllwydrau ardal hedd,
Ond mae rhywun yma'n sisial
Ei bod hithau yn y bedd.

Nid yn marw mae y Cristion
Wrth feddianu tawel hun,—
Gadael dirmyg ei elynion,
Gwisgo arfau Crist ei hun;
Gwyrdd fydd adgof ei rhagorion,
Deulu hoff mae hi mewn hedd,
Draw yn nghwmni'r pererinion,
Cartre'r saint tu draw i'r bedd.