Cerddi a Baledi/Y Wawr

Oddi ar Wicidestun
Jump to navigation Jump to search
Hawliau Cerddi a Baledi
Caneuon
gan I. D. Hooson
Y Lloer

Y WAWR

BU rhyw rialtwch neithiwr
Tu ôl i'r dorau mawr
A gaeir rhwng y machlud
A thoriad cynta'r wawr;
Mae llestri y gyfeddach
Yn deilchion ar y llawr.

Ffiolau perl a chwrel
Ac aur gwpanau cain
A ddrylliwyd, ac mae'r gwinoedd
Yn llifo rhwng y rhain,
Eu staen ar fyrddau'r loddest
A'u gwyn lieiniau main.