Chwedlau'r Aelwyd/Ymddygiad wrth Fwyta

Chwedlau'r Aelwyd
Corff y llyfr
gan Hughes a'i Fab, Wrecsam
Corff y llyfr

Ymddygiad wrth Fwyta.

Yn ddystaw at y bwrdd yr âf,
Cyn dechreu, gofyn bendith wnaf;
Rhaid peidio bod mewn brysiog nwyd,
I fod y cyntaf i gael bwyd;
Rhaid bod yn llonydd yn ddioed,
Heb gadw trwst â llaw na throed,
Na rhoi i'r cwmni flinder trwy
I'm chwareu a'm cader, plât, neu lwy ;
Na chanu chwaith, nac arfer gwawd,
Na checru'n groes â chwaer neu frawd ;
Na moni yno'n hyll fy llun,
Na chrio am fy ffordd fy hun.
Os na fydd f'ymborth wrth fy modd,
Ni ddylwn feio arno ar g'oedd

Gan ddweud, "Mae'r coffi'n ddrwg ei flas,
Mae'r tê yn boeth—mae'r cig yn frâs;
Mae'r bara'n hen, neu ynte'n fall," —
Na chwyno 'herwydd hyn neu'r llall.
Gorlwytho'm safn sydd ffìaidd iawn,
Neu siarad pan bo'm genau'n llawn.
Os rhaid pesychu wrth y bwrdd,
Neu disien, dylid troi i ffwrdd.
Rhaid cofio dweud wrth ofyn am—
"Os gwelwch yn dda, syr," neu "m'am,"
A "Diolch i chwi" yn ddifeth,
Pan y derbynir unrhyw beth.
Rhaid peidio baeddu'r llian gwyn,
Na d'wyno â'm bwyd y dwylaw hyn,
Na chodi oddiwrth y bwrdd un pryd,
Nes darfod bwyta o'r cwmni i gyd :
A phan gaf genad i fyn'd ffwrdd,
Rhaid cadw'm cader oddiwrth y bwrdd,
Ond rhaid yn gyntaf dyrchu'm llef
Mewn mawl am ddoniau rhad y nef.