Dilynaf fy Mugail drwy f'oes

←

Dilynaf fy Mugail drwy f'oes gan Benjamin Francis

Arhosaf yng Nghysgod fy Nuw →

633^[1] Canlyn y Bugail.
88. 88. D.

1 DILYNAF fy Mugail trwy f'oes,
Er amarch a gwradwydd y byd;
A dygaf ei ddirmyg a'i groes,
Gan dynnu i'r nefoedd o hyd ;
Mi rodiaf, trwy gymorth ei ras,
Y llwybyr a gerddodd Efe ;
Nid rhyfedd os gwawdir y gwas,
Cans gwawd gafodd Arglwydd y ne'.

2 Nid oes arnaf gwilydd o'i groes—
Ei groes yw fy nghoron o hyd :
Ei fywyd i'm gwared a roes
Fy Ngheidwad, a'm prynodd mor ddrud ;
Dioddefodd waradwydd a phoen,
A'r felltith ar Galfari fryn ;
F'anrhydedd yw canlyn yr Oen—
Yr Oen a ddioddefodd fel hyn!

—Benjamin Francis

Ffynhonnell

1. Emyn rhif 633, Llyfr Emynau y Methodistiaid Calfinaidd a Wesleaidd 1930