Arhosaf yng Nghysgod fy Nuw

Emyn gan Henry Lloyd (ap Hefin) (1870-1946) yw Arhosaf yng nghysgod fy Nuw

Arhosaf yng nghysgod fy Nuw,

I mewn yn nirgwlwch y nef;

Dan adain ei gariad 'rwy'n byw,

Fe'm gwrendy cyn clywed fy llef:

Pe curai trallodion yn hy

I'm herbyn fyl tonnau y môr,

Mi ganaf wrth deimlo mor gry' -

Fy nghraig a'm cadernid yw'r Iôr.

Nid ofnaf rhag dychryn y nos

Na'r saeth a ehedo y dydd;

Diogel bob munud o'm hoes

A fyddaf yng nghastell fy ffydd;

Eiddilaf ryfelwr wyf fi

I ymladd â nerthoedd y ddraig,

Ond caf fuddugoliaeth a bri

A Duw hollalluog yn graig.