Duw anfeidrol yw dy enw 2
| ← 'R wy'n dy garu, Ti a'i gwyddost | Duw anfeidrol yw dy enw 2 gan William Williams, Pantycelyn |
Darfu noddfa mewn creadur |
| Mynegai Llyfr Emynau y Methodistiaid Calfinaidd a Wesleaidd 1930 |
81 [1]"Dy Lwybrau yn y Dyfroedd Dyfnion."
87.87. 47.
1.DUW anfeidrol yw dy enw,
Llanw'r nefoedd, llanw'r llawr;
Mae dy lwybrau'n anweledig
Yn nyfnderoedd moroedd mawr;
Dy feddyliau—
Is nag uffern, uwch na'r nef.
2.Minnau'n ddyfal sy'n ymofyn
Ar yr aswy, ar y dde,
Ceisio ffeindio dwfwn gyngor
A dibenion Brenin ne':
Hyn a ffeindiais—
Mai daioni yw oll i mi.
3.Da yw'r groes, a da yw gwasgfa,
Da yw profedigaeth llym;
Oll a'm tyn i o'r creadur,
O'm haeddiannau ac o'm grym;
Minnau'r truan
Ffof dan adain Brenin nef.
William Williams, Pantycelyn
Ffynhonnell[golygu]
- ↑ Emyn rhif 81, Llyfr Emynau y Methodistiaid Calfinaidd a Wesleaidd 1930