Dyro inni weld o'r newydd
| ← Golwg, Arglwydd, ar dy wyneb | Dyro inni weld o'r newydd gan John Thomas, Rhaeadr |
Arglwydd grasol, dyro d'Ysbryd → |
| Mynegai Llyfr Emynau y Methodistiaid Calfinaidd a Wesleaidd 1930 |
266[1] Deisyf Presenoldeb Duw.
87. 87. 67.
1 DYRO inni weld o'r newydd
Mai Ti, Arglwydd, yw ein rhan;
Aed dy bresenoldeb hyfryd
Gyda'th weision i bob man:
Tyrd i lawr, Arglwydd mawr,
Rho dy fendith yma'n awr.
2 Ymddisgleiria yn y canol,
Gwêl dy bobol yma 'nghyd,
Yn hiraethu, addfwyn Iesu,
Am gael gweld dy ŵyneb-pryd:
Golau cry' oddi fry
Chwalo bob rhyw gwmwl du.
3 Deued yr awelon hyfryd,
Effaith Ysbryd gras, i lawr;
Llifed atom afon bywyd,
Sydd yn tarddu o'r orsedd fawr:
Arglwydd da, trugarha,
Y sychedig rai dyfrha.
John Thomas, Rhaeadr
Ffynhonnell
[golygu]- ↑ Emyn rhif 266, Llyfr Emynau y Methodistiaid Calfinaidd a Wesleaidd 1930