Geiriadur Bywgraffyddol o Enwogion Cymru 1867-Cyf I/Asaph
| ← Arwystli Hen | Geiriadur Bywgraffyddol o Enwogion Cymru 1867-Cyf I gan Josiah Thomas Jones |
Asclepiodotus → |
ASAPH oedd fab Sawyl Benuchel, mab Pabo o Gwenaseth, merch Rhufon Rhufoniog. Ganwyd ef yn Ngogledd Cymru. Yr oedd yn ddysgybl i Cyndeyrn o Kentigern, yr hwn oedd wedi ffurfio coleg yn Llanelwy, yn 545, pan roddodd y diweddaf i fyny yr esgobaeth hon, a dychwelyd i Ogledd Brydain, yn 560. Asaph, yr hwn oedd enwog am ei rinweddau a'i ddysgeidiaeth, a ddewiswyd i'w ganlyn yn yr esgobaeth ac yn llywyddiaeth y coleg. Yr oedd yn bregethwr diwyd. Arferai yn aml i ddyweyd," Y rhai a wrthsafant bregethiad gair Duw, a warafunant iechydwriaeth dynion." Efe a ysgrifenodd ordinhadau ei eglwys, Bywyd St. Kentigern, a rhai gweithiau ereill. Bu farw Mai 1af, 596. Ar gylchwyl y cyfryw ddydd byddai ffair gynt yn cael ei chynal yn y dref. Cafodd ei gladdu yn ei eglwys gadeiriol ei hun. Amgylchiad a gyfranodd yn helaeth tuag at godi awydd yn meddyliau y bobl am gadw yr esgobaeth yno. Ar ol 'ei farwolaeth, cafodd ei galw ar ei enw, St. Asaph, er mai yr enw gwreiddiol a ddefnyddir yn yr iaith Gymreig. Llanasa hefyd yn sir Flint a sylfaenwyd ganddo ef.