Gwaith Islwyn (Cyfres y Fil)/Mae deigryn ar y rhosyn hardd

← Rwyf ar ddihun

Gwaith Islwyn (Cyfres y Fil) Dyffryn Galar gan William Thomas (Islwyn) Dyffryn Galar

Gwel, Uwchlaw Cymylau Amser →

GALAR Y BLODAU.

"Ond pam yr wylaf ar ei ol? Mae blodau'r ddol yn wylo." Tud. 10.

MAE DEIGRYN AR Y RHOSYN HARDD.

MAE deigryn ar y rhosyn hardd,
Mae'r gwlith yn wylo ar y lili;
A'r awel oeraf dery'r ardd,
A chwyth ei hanadl wywdra drwyddi;
Ac nid y bardd yn unig sydd
Yn wylo dan drallodau prudd.

Mae Natur deg yn colli ei gwrid,
A'i rhos i gyd yn marw;
Dynoethir hi o'i gwisgoedd haf,
A'i blodau gaf yn welw;
Ac O, paham na chollwn i
Aml rosyn hawddgar gyda hi?

Y mae fy mlodyn yn y bedd,
A'i wedd yn isel heno;
Ond pam yr wylaf ar ei ol ?
Mae blodau'r ddôl yn wylo ;
A throir yr ardd bob gauaf blin
Yn fynwent oer i'w rhos ei hun.

Mai, 1854.