Gwaith Islwyn (Cyfres y Fil)/Morgan Howel

← Mae gan y nos ei gwersi ter

Gwaith Islwyn (Cyfres y Fil) Lloffion o Dywysennau gan William Thomas (Islwyn) Lloffion o Dywysennau

Tlws ond tlysach →

MORGAN HOWEL

WRTH araf ddisgyn tua'r bedd ororau,
A chwmwl angau yn pruddhau ei wedd
Ymlonni wnai yng ngwên y seren fora,
Ac yn ei golau fythol ddydd a hedd;
A gobaith adgyfodiad, i chwalu niwl y bedd.

Y gobaith teg, fel paladr byw
O'r gloewaf haul yn nennau Duw,
Siriolai olaf awr ei yrfa brudd,
Gan euro hwyr ei oes, nawn ei fachludol ddydd.

Na choller deigryn ar ei fedd,
Ei ddôr i ddydd, ei borth i hedd ;
Boed llygad yma'n sych, a'r dôn yn effro,
Byth na neshawn at feddrod sant i wylo.