Gwaith Islwyn (Cyfres y Fil)/Pwy all edrych, Gymru
| ← Ar ben y mynyddoedd | Gwaith Islwyn (Cyfres y Fil) Ystorm ar y Bryniau gan William Thomas (Islwyn) Ystorm ar y Bryniau |
Efryda wedd natur → |
PWY ALL EDRYCH, GYMRU
PWY all edrych, Gymru, ar dy fryniau
Yn sefyll byth heb droi nac ymwahanu
Tra oesoedd ar ol oesoedd yn diflannu,
A'r nef yn gorffwys ar eu beilch ysgwyddau,
A choron o ystormydd ar eu pennau,
Yr awel a'r aderyn per ei garol
Yn plethu eu plygeiniol gerdd
Mewn rhyddid anherfynol,—
O pwy all wrando trwst dy feilch afonydd
Wrth lifo mor fawreddig trwy dy froydd
I'r gwigoedd draw, fel gwyrddion demlau
Rhyddid
Yn agor eu canghenog ddôr i gorau yr awyr-fyd,—
Pwy, Gymru fad, heb deimlo ei hun, ynghanol
Y mawrwych olygfaoedd hyn
Yn rhydd ac anibynnol.