Gwaith Robert Owen (Bardd y Môr)/Y Carcharor a'r Wennol

Gwaith Robert Owen (Bardd y Môr)

gan Robert Owen (Bardd y Môr)

golygwyd gan Owen Morgan Edwards

III.-TELYNAU ERAILL.

Y CARCHAROR A'R WENOL.

Efelychiad o'r Ffrancaeg, 1876.

WENNOL addfwynaf sydd
Yn hofran oddiamgylch prudd
Gell fy ngharchardy,
Hed, wennol, heb ddim braw,
Hed yma i fy llaw,
I'm dy groesawu!

Ble daethost, wennol fwyn?
Pwy archodd iti ddwyn
Gwawl i'm trueni?
Gydymaith swynol syw,
Ddost ti o'r mynydd gwiw,
Lle gynt y bum i yn byw,
Lle ces fy magu?

Ddost ti, fy ngwennol ddu,
O ardal bell a chu
Yr adyn gorlwyd?
Angel a'r edyn ter,
Dywed ryw newydd per
Am yr hen aelwyd.

Nodiadau[golygu]