Hanes Porthmadog ei Chrefydd a'i Henwogion/Roberts, John
| ← Owen, J R | Hanes Porthmadog ei Chrefydd a'i Henwogion gan Edward Davies, Penmorfa |
Tryfanwy, J R → |
ROBERTS, JOHN.—Unig fab Iolo Caernarfon. Ganwyd ef ym Mhorthmadog yn 1879. Derbyniodd ei addysg yn Ysgol Elfennol Porthmadog, ac Ysgol Ramadegol y Bala, 1893—7. Y flwyddyn ddilynol aeth i Rydychen a Manceinion, i baratoi ar gyfer ysgoloriaeth yn y lle blaenaf. Ennillodd hi yn 1899. Y flwyddyn honno dechreuodd bregethu. Aeth eilwaith i Rydychen, 1899—1903, lle y graddiodd yn B.A., gydag anrhydedd yn y Clasuron. Ym Medi, 1903, derbyniodd alwad i fugeilio eglwys Gymraeg ac eglwys Saesneg Aberdyfi. Yn 1904 ennillodd eilwaith y radd o B.A., y tro hwn gydag anrhydedd mewn Diwinyddiaeth. Ordeiniwyd ef yng Nghaernarfon, yn 1905. Yn Ionawr, 1906, aeth i gymeryd gofal eglwys David Street, Lerpwl. Ennillodd ei M.A. yng Ngorffennaf, 1908. Y mae Mr. Roberts wedi esgyn yn fore i reng flaenaf pregethwyr ei enwad. Eleni rhoddodd y Cyfarfod Misol a'i cododd yr anrhydedd arno o bregethu yn yr oedfa ddeg yn Sasiwn Pwllheli. Cyfiawnhaodd yntau eu gwaith, a boddhaodd ddisgwyliadau ei edmygwyr, a phrofodd ei hun yn olynydd teilwng i'w dad enwog.