Holl Waith Barddonol Goronwy Owen/Cywydd i'r Awen
| ← Cywydd y Farf | Holl Waith Barddonol Goronwy Owen gan Goronwy Owen golygwyd gan Isaac Foulkes |
Epigram i'w dori ar gaead Blwch Tobacco |
CYWYDD I'R AWEN.
Ar ddull HORAS, Lib, IV. Ode III.
Quem tu, Melpomene, &c., 1752.
O CHAI fachgen, wrth eni,
Wyd Awen dêg, dy wên di,
Ni bydd gawr na gwr mawrnerth,
Prydu a wna, Pa raid nerth?
Ni char ffull na churo ffest
Na chau dwrn, o chaid ornest
O b'ai'n, agwrdd benigamp
Ni chais glod gorfod y gamp;
Yn ei ddydd e ni ddiddawr
Gael parch am yru march mawr,
Ni chyrch drin[1] na byddinoedd,
Ni char nâd blaen—gad a bloedd,
Ni chaiff elw o ryfelwaith,
Na chlod wych hynod ychwaith,
Na choryn hardd, ddigardd[2] ddyn,
Draw i gil o droi gelyn
Mawl a gaiff am oleu gerdd,
A gwiw sein—gan gyson—gerdd,
Barddwawd[3] fel y gwnai beirddion
Defnyddfawr o Wlad fawr o Fon.
Cymru a rif ei phrif-feirdd,
Rhifid ym Mon burion beirdd,
Cyfran a gaf o'u cofrestr,
A'm cyfrif i'w rhif a'u rhestr;
Mawrair a gaf ym Meirion
Yn awr, a gair mawr Gwyr Mon;
Llaesodd, ar aball eisoes,
Cenfigen ei phen a ffoes.
O f'Awen dêg! fwyned wyt,
Di-odid, dawn Duw ydwyt,
Tydi roit, â diwair wên,
Lais eos i lysŵen!
Dedwydd o'th blegyd ydwyf,
Godidog ac enwog wyf,
Cair yn son am Oronwy
Llonfardd Mon, llawn fyrdd a mwy
Caf arwydd lle cyfeiriwyf,
Dengys llu â bys lle bwyf.
Diolch yt, Awen dawel,
Dedwydd wyf, deued a ddel;
Heb Awen, baich yw bywyd,
A'i rhodd yw rhyngu bodd byd.