Mae Duw yn llond pob lle
| ← Pam 'r ofna f'enaid gwan | Mae Duw yn llond pob lle gan David Jones, Treborth |
Mewn trallod, at bwy'r af |
| Mynegai Llyfr Emynau y Methodistiaid Calfinaidd a Wesleaidd 1930 |
61[1] "Nesáu at Dduw sy dda i mi."
66. 66.88.
1.MAE Duw yn llond pob lle,
Presennol ym mhob man ;
Y nesaf yw Efe
O bawb at enaid gwan ;
Wrth law o hyd i wrando cri:
"Nesáu at Dduw sy dda i mi."
2.Yr Arglwydd sydd yr un,
Er maint derfysga'r byd ;
Er anwadalwch dyn,
Yr un yw Ef o hyd;
Y graig ni syfl ym merw'r lli:
""Nesáu at Dduw sy dda i mi."
3.Yr Hollgyfoethog Dduw,
Ei olud ni leiha;
Diwalla bob peth byw
O hyd â'i 'wyllys da;
Un dafn o'i fôr sy'n fôr i ni:
""Nesáu at Dduw sy dda i mi."
David Jones, Treborth.
Ffynhonnell[golygu]
- ↑ Emyn rhif 61, Llyfr Emynau y Methodistiaid Calfinaidd a Wesleaidd 1930