Mae fy meiau fel mynyddoedd

← Iesu, gwyddost fy nghystuddiau

Mae fy meiau fel mynyddoedd gan William Williams, Pantycelyn

Dacw gariad, dacw bechod →

Mynegai Llyfr Emynau y Methodistiaid Calfinaidd a Wesleaidd 1930

190^[1] Rhinwedd Gwaed Crist
87.87. 47.

1 MAE fy meiau fel mynyddoedd,
Amlach hefyd yw eu rhi'
Nag yw gwlith y bore wawrddydd,
Nag yw sêr y nefoedd fry:
Gwaed fy Arglwydd
Sydd yn abli olchi 'mai.

2 Golchi'r ddu gydwybod aflan
Lawer gwynnach eira mân;
Gwneud y brwnt, gan' waith ddifwynodd
Yn y domen, fel y gwlân:
Pwy all fesur
Lled a dyfnder maith ei ras?

3 Ei riddfannau ar y croesbren
Oedd yn pwyso beiau'r byd;
Poenau pechod oedd ofnadwy,
Poenau f'Arglwydd oedd fwy drud;
'N awr mae cariad
Yn concwerio dwyfol lid.

—William Williams, Pantycelyn

Ffynhonnell

1. Emyn rhif 190, Llyfr Emynau y Methodistiaid Calfinaidd a Wesleaidd 1930