Nid oes eisiau un creadur

← Fy nymuniad, paid â gorffwys

Nid oes eisiau un creadur gan William Williams, Pantycelyn

E'r dy fod yn uchder nefoedd

Mynegai Llyfr Emynau y Methodistiaid Calfinaidd a Wesleaidd 1930

78^[1] Duw a Digon.
87. 87. 47.

NID oes eisiau un creadur
Yn bresennol lle bo Duw;
Mae E'n fwyd, y mae E'n ddiod,
Nerth fy natur egwan yw :
Pob hapusrwydd
Sydd yn aros ynddo'i Hun.

2. Gyrrwch fi i eithaf twllwch,
Hwnt i derfyn oll sy'n bod,
I ryw wagle dudew anial,
Na fu creadur ynddo 'rioed:
Hapus hapus
Fyddaf yno gyda Thi.

3.Nid oes unman imi'n gartref,
Nid oes drigfan o un rhyw
Alla'i galw yn hyfrydwch
Imi'n awr ond mynwes Duw;
Yn ei fynwes
Mae fy naear i a'm nef.

William Williams, Pantycelyn

Ffynhonnell

1. Emyn rhif 1, Llyfr Emynau y Methodistiaid Calfinaidd a Wesleaidd 1930