Pa le, pa fodd dechreuaf

← Duw Abram, Molwch Ef

Pa le, pa fodd dechreuaf gan Roger Edwards, Yr Wyddgrug

Moliannwn Di, O! Arglwydd

Mynegai Llyfr Emynau y Methodistiaid Calfinaidd a Wesleaidd 1930

27^[1] DUW Abram, molwch Ef
66. 84. D.

1 DUW Abram, Molwch Ef,
Yr hollalluog Dduw,
Yr Hen Ddihenydd, Brenin nef,
Duw, cariad yw.
I'r Iôr, anfeidrol Fod
Boed mawl y nef a'r llawr ;
Ymgrymu wnaf, a rhof y clod
I'r Enw mawr.

2 Duw Abram, molwch Ef;
Ei holl-ddigonol ddawn
A'm cynnal ar fy nhaith i'r nef
Yn ddiogel iawn;
I eiddil fel myfi
Fe'i geilw'i Hun yn Dduw ;
Trwy waed ei Fab ar Galfari
Fe'm ceidw'n fyw.

3 Er bod y cnawd yn wan,
Er gwaethaf grym y byd,
Trwy ras mi ddof i hyfryd fan
Fy nghartref clyd ;
Mi nofia'r dyfnder llaith
A'm trem ar Iesu cu;
Af trwy'r anialwch erchyll maith
I'r Ganaan fry.

4. Holl dyrfa'r nef a gân
Mewn diolch yn gytûn,
I'r Tad a'r Mab a'r Ysbryd Glân—
Eu mawl sydd un:
O! henffych, Iôr di-lyth;
Clodforaf gyda hwy
Dduw Abram a'm Duw innau byth
Heb dewi mwy.

T. OLIVERS, Cyf. Robert Williams (1804—1855).

Ffynhonnell

1. Emyn rhif 27, Llyfr Emynau y Methodistiaid Calfinaidd a Wesleaidd 1930