Prif Feirdd Eifionydd/Ffon y Plisman

Prif Feirdd Eifionydd

gan Edward David Rowlands

Ffon y Plisman.

CANWN glod i ffon y Plisman,
Mil rhagorach yw nag arian,
O gywreinwaith William Ifan,
Dyma glian glws.
Am ei blaen mae amgorn copor,
Wedi ei sadio gyda sodor;
Hon a biga bob hen begor,
Feiddio dreisio'r drws.

Naddwyd pen crwn iddi,
Newydd ddwrn oddiarni,
A bwriwyd plwm,
I'w gwneud yn glwm
Fel botwm mae yn beauty.

Mae yn ffon er amddiffyniad,
Neu er sydyn ymosodiad,
Yn llaw'r swyddog Hughes yn wastad;
Gwae pob gwylliaid drwg.

Cledra bac o ladron,
Maedda gecron meddwon,
A gostwng frig y dynion dig
Heb gloffi a phig ei lawffon;
Boed i Evans fawl am dani,
Boed i Hughes y budd o honi
Boed i scamps i gyd ei hofni,
Gwae a dynno'i gwg.

Nodiadau[golygu]