Cei, cei, cei "fendio eto,"
A byddi yn llawn gwên,
A'th "galon egwan" megys cynt,
Yn llawen "Yn y Trên."
Cei , cei, ti gei ymwared
"O'r crydcymalau blin,"
A bydd dy "gorph prophwydol" gwan
Yn canu'n iach i'r hin;
Paid ofni na chei "fendio"
Cyn iti fyn'd yn hen,
Cawn dy gyfarfod cyn bo hir
Fel prophwyd "Yn y Trên."
Cei, cei, cei "daflu ymaith"
"Y ddwyffon" cyn bo hir,
A byddi'n iach a heinyf fel
Tywysog yn y tir;
Ti fyddi eto'n chwareu
A"Johnny" yn llawn gwên,
A Chymru'n darllen hanes taith
Y gwr sydd "Yn y Trên.”
Daw, daw, daw'r dydd cei "rodio"
"Yn nghwmni'th anwyl Ann,"
Yn llawn hapusrwydd fel o'r blaen,
Yn holliach yn y man;
Cei "wrando yr Efengyl,"
A'i "thrugareddau hen,"
A chodi'th lais yn erbyn trais,
Fel arfer, "Yn y Trên."
Cyn hir ti fyddi'n "arwain"
"Dy blant i dŷ dy Dad,”
"A'u rhoddi ar y llwybr" iawn
"I fyn'd i'r hyfryd wlad;"
Mae Duw a'i nodded drosot,
Er iddo guddio'i wên,
Daw'th ddymuniadau oll i ben
Cei "foli" "Yn y Trên.
Everton.
S. DARON JONES
