Tudalen:Awdlau Coffadwriaethol am Y Parch Goronwy Owain.pdf/6

Odid o'r beirddion, diwydion dadau;
Y bu un awdwr yn ei bennodau,
Mor ddestlus, fedrus fydrau,mor berffaith
Mewn iaith, iesin araith, a synwyrau.

Manwl a digwl y gweinidogodd;
Hud a gorddwy a phob gwyd gwaharddodd;
Rhagfarn, rhagrith, a gaulith ogelodd;
A mawl Iôn i blith dynion á daenodd;
Ac iddynt efe gyhoeddodd yn dwr
Enw y Creawdwr, i'r hwn y credodd.

Er trallodion gofalon filoedd
Bu lawen dirion mewn blinderoedd,
Gan wir gofiaw llaw a galluoedd
Duw Ior i'w weision hyd yr oesoedd:
Ei awen ber o'r dyfnderoeddisel
Ehedai 'n ufel hyd y nefoedd.

Bu trachyweithas bob tro chwithig
Yn hynt ei fywyd, fyd tarfedig.
Uthrol dro nodol dirwynedig
Troi o'r blaenawr mawr i Amerig:
Truenus beirddion, tra unig o'i ol:—
Tra niweidiol fu'r tro enwedig.

Yma poenwyd am y penial;
Yntau wrda hwnt o'i ardal
Yn bwrw einioes mewn bro anial:—
Trwm o'r ddwyochr, tramawr ddial!