Tudalen:Beirdd y Bala.pdf/85

Iaith deg, iaith y duwiau gynt,
Dwned Homer am danynt;
Iaith enaid y Celtiaid coeth
Dynion nad oeddynt annoeth;
Iaith derwyddon, dyfnion dysg,
Aur heddyw mêr eu haddysg;
Iaith brenhinoedd, llysoedd llawn,
Iaith hen gyfreithiau uniawn;
Iaith y beirdd doeth eu hurddas
Drwy y byd iaith uchel dras,
Eich iaith, O! mynweswch hi!
A bydded rhwydd-deb iddi.
A'i marw a gaiff ym Meirion?
Marw? O, na! na marw ym Mon.

Daear yn uchel gwelir
Yn lle nef, mae 'n llawn o wir;
Unfodd y try 'r nef wenfawr
O'i lle i le daear lawr;
Cyn marw o'r iaith heniaith hon,
Bleth dinam, o blith dynion.

LLYN TEGID.

Bysgodwyr llennwch eich basgedau—'n llawn
Llennwch o'r pysg gorau;
Mil o hyd sydd yn amlhau
Yn ei dirion ddyfnderau.

O Benllyn! i'th Lyn maith o luniad—teg,
Nid digon fy nghaniad;
Dwfr iach gloew: difyrrwch gwlad,
Yn ei li a'i alawiad.

Alawiad dwnad y tonnau,—mwyn yw
Min nos ar ei lannau;