Prawfddarllenwyd y dudalen hon
CANIADAU BARLWYDON.
AWDL: "MAM."
(Buddugol yn Abermaw, Pasg, 1893.)
ENW yw Mam sy'n anwyl—i deulu byd
Hawlia barch bob egwyl,
Gwir ddelwedd hygaredd gwyl
A phrysur yn ei phreswyl.
Ceir yn gylch o'i hamgylch hi
Ddeiliaid i'w phur addoli;—
Ceir ei meibion llon yn llu,
A'i hoft ferched i'w pharchu
A'i phriod hoff er y dydd
Eu hunwyd mewn llawenydd,—
Hwnw fêd ei wynfydedd
Yn ei chwmni hi a'i hedd.
Dduwiesaidd Fam urddasol,— em o wraig,
Mam yr holl hil ddynol,—
Fendigedig o hudol,
A'i bron rad heb rin ar ol.
Rhodd Ior i Adda eirian
Yn Eden gynt yn wen gán
Oedd Efa 'i wraig ddifyr, wyl—
Eiluned ddwyfol anwyl.
Diamhuredd gydmares,
Benodol teuluol les;
YR EM OLAF O'R MILIWN
I arbed hâd i'r byd hwn
