Tudalen:Caniadau Barlwydon Llyfr 1.djvu/70

Gyda llwydwisg dilladu
Bu'r nos ddwl o'i breinsedd ddu
Fryniau yr hen Feirionydd—
Iddynt clog fawreddog rydd.

Ha! wele draw haul a'i drem
Belydrog a byw loewdrem;
Yn gloewi wybr foreu glan,
Liwiau cwrel ac arian:
Lliwia 'i wedd ag eurlliw wawl
Ruddiau'r ddaear oedd ddi—wawl—
Mantelloedd niwloedd y nen
Giliant o olwg heulwen,
Dros yr Idris raiadrog
A'i gloriau gwlith rhydd glaer glog,
Gopaon teg, paentia haul
Aneirif fryniau'n araul.
Meirion hen, mirain yw hi
A gwynion ei chlogwyni;
Llathra haul holl lethrau hon
A'i rhaiadrau tra hydron.

Uchelbwynt rhynbwynt yr îa,
Gwynt a gwywiant y gaua',
Yw copaon Meirion merth,
Ar eu gwadnau mor gydnerth,
Dros yr Idris gwenwisg îa
Er ei addurn orwedda.
Er oered tô'r eira têr,
Teifl lendid dwyfol wynder
Led—led y wlad; hulia hon
Is helm fel eira'n Salmon
Chwareule erch rhuawl hin,
Goror y gauaf gerwin
Yw'r ucheldir—a chwyldaith
Byddinoedd tymhestloedd maith