Tudalen:Caniadau Barlwydon Llyfr 1.djvu/71

A thrwy entyrch rhuthrwyntoedd
Geirwon blwng gerwin eu bloedd,
Dramwyant drum, mintai'r ia,
A stŵr mawr y storm eira,
Hydr iawn yw, a di-droi'nol
Grym ei hanrheithrym rhuthrol;
Oerlem yw'r awel a'i min,
Addoer acw yw'r ddrycin;
Ceidw mewn rhwymau cedyrn
Redlif neint a chorneint chwyrn.

Ton rhywyllt ewyn rhaiadr,
Yn ei gwymp rewir yn gadr,
Ond deheuwynt a'i hawel
I'w datod ryw ddiwrnod ddel,
Berwôl, lifeiriol foryn
A dros greig a'r Idris gryn;
Pob afon a wreichiona—
Tyrddiog i'w hynt orddig ä;
Llif ar lif yn fawrllif fydd—
Môr yn mryniau Meirionydd.

Dynesa'r haf, dawnsia'r haul,
Drwy oror pelydr araul;
Hudol yw bro dol a bryn;
Hoewed yw dan haul dywyn
Y firain ber, Feirion bau;
Chwâr ŵyn ar ei chorynau;
Ymwelwyr haf mil ar hynt
A moelydd hon ymwelynt.

O Loegr deg, ymchwilgar dorf
Ddaw i Walia yn ddilorf,
Yn llawn asbri llon ysbryd
Mintai gâr ramant i gyd.
Ag eofndra'n ysgafndroed,
Llon ber ânt lle na bu 'rioed