Tudalen:Cerddi'r Bwthyn.djvu/69

Oddi ar Wicidestun
Gwirwyd y dudalen hon

BEDDARGRAFF CLEPWRAIG

MAE hon heb air am unwaith,—wedi stŵr
Daeth distawrwydd perffaith.
Ar gleber ofer afiaith
Rhoed clo Amen,—Amen maith.


BEDDARGRAFF MORWR

DYRCHAFER cri o'r môr maith,—ni chlyw ef
Na chloch na gwynt diffaith;
Ac ni chwâl yr eigion chwaith
Angorfa'r angau hirfaith.



DYN ANWADAL.

CYFNEWIDIOL addolwr,—un heb wraidd,
Un heb ruddin carwr;
Ansefydlog, oriog ŵr,
Ddoe yn frawd, heddiw'n fradwr.