Tudalen:Diliau Meirion Cyf I.pdf/80

Oddi ar Wicidestun
Neidio i'r panel llywio Neidio i'r bar chwilio
Prawfddarllenwyd y dudalen hon

O mor enwog fydd gweis a morwynion
Dan wir ddylanwad rhwyddlad rhïeiddlon
Mêr y ddysgeidiaeth, mawreddus gedion,
Cywir feddyliawl a theg grefyddolion,
Eu hagwedd eirioes a'u hegwyddorion
A'u dwg i gynnydd yn deg ac union;
Byw yn addas wnant megys boneddion
Astud a phwyllawg, selawg foesolion;
Pawb a wir gara eu pybyr ragorion,
Gorwiw a fyddant, a gwir ufuddion;
Gwylaidd, a phur o galon—ymddygant,
Difyr efrydant mewn da fwriadon.

I'r olwg daw llawer Elen—foesawl,
A f'asai dan niwlen,
Pe heb gynnar weithgar wên
Da reolau dysg drylen.

Rhoi enaint ar ben rhïanod,—gwelir,
Mae'r ysgolion uchod;
Daw enwau aml rai dinod
Mor glir, nes ennill mawr glod.

Dygir llenorion gwiwlon i'r golau,
Heirdd weis dinam eu hurddas a'u doniau,
A beirddion treiddiawl gwreiddiawl mewn graddau
Mirain, gweinyddfad, mawrion gynneddfau,
Ac o rïanod cywir eu rhinau,
Llon ddewisiad, y gwneir llenyddesau;
A mynir o domenau—pob goror,
Fyrdd o aneisor deg farddonesau.

Hoff ethol dda effeithiau—gwir addysg,
A wreiddio'n mhob parthau,