Prawfddarllenwyd y dudalen hon
A dwedir fod rhai mor wirioned
Wrth garu yng ngoleu'r lloer dêg,
A thystio fod cariad yn gweled
Un seren yn bedair ar ddeg;
Peth od fod dyn
Wrth garu mûn,
Yn gwneud y fath asyn o hono ei hun.
Y DDANNODD
Och o'r gwae sy'n ochr y gêg—a mil dieifl
Yn mol daint 'run adeg ;
A thystiais pan na ddaeth osteg,—
"O! myn d——l 'dyw hi ddim yn dêg."
Medi 9, T6.
Y "SLEEPING-CAR"
AR olwyn uwch y rheiliau—breuddwydier
Bur ddedwydd feddyliau ;
Mynd fel tân gwefr dân yn gwau
A huno wrth ager sy'n wyrth, hogiau.
'Rol Swper, Rhag. 18, '76.
