Gwirwyd y dudalen hon
Edrych ymlaen ar oes,
A'i haml chwerw loes,
A'i mynych awel groes,
A'i throion garw,—
Heb dy gymdeithas di,
Sy'n gwasgu o'm henaid li
O ddagrau, ac weithiau gri,—
O na bawn farw."
Eto, tra ynnwyf chwyth,
Mi'th garaf yn ddi—lyth,
Er nad yw fy nghalon byth
I'th feddu efallai;
Er fod iddo lanw a thrai,
Gwir gariad sy'n parhau
Fel yr eigion yn ddi—lai
Drwy bob newidiadau.
Fy hoffaf ddymuniad yw,
Fun anwyl, ar it gael byw
Teg flwyddi tan nodded Duw,―
Boed iti'n gyfran
Holl oreubethau byd,
Heb eu mil boenau 'nghyd,
A nefoedd dawel glyd
Fyth yn orffwysfan.
—Chwef. 1877.
