Prawfddarllenwyd y dudalen hon
METHU â. CHANU
Cyfansoddwyd yn Sanatorium Machynlleth, wedi gwrando
darlledu o Eglwys Jeriwsalem, Blaenau Ffestiniog,
nawn Sul, Tachwedd 27, 1938.
OEDD hiraeth? Wel oedd, debyg iawn, bois bach,
A'r galon â'i thannau'n friw,—
Clywed y mynd ar yr emyn a'r dôn,
Yn sŵn hen organ Jeriw.
Ni fedrais i ganu'r un bar fy hun,
Ond mwmian rhyw air ar dro:
Peidiwch â 'meio am fethu fel hyn,
A minnau mewn dieithr fro.
Na, fedrwn i ddim, bois bach, chwarae teg,
Neu'n ei morio hi y buaswn yn braf;
Mae hi'n anodd canu mewn lle fel hwn—
Canu, a minnau yn glaf.
Pwy ŵyr na ddaw pethau'n well eto, bois?—
Mae hynny yn dywyll, ond yw,—
Disgwyliaf caf droi eto'n ôl i'r hen fro,
I glywed yr hwyl yn Jeriw.
