Mae dy Air yn abl f'arwain
Trwy'r anialwch mawr yn mlaen,
Mae yn golofn oleu, eglur,
Weithiau o niwl ac weithiau o dân;
Mae'n ddiblê, ynddo fe,
Fwy na'r ddaiar, fwy na'r ne.'
O fewn i gloriau hwn
Mae dwfn feddwl Duw;
Pob iot o hono bery 'n hwy
Na'r néf, gwirionedd yw;
Y llwon yw ei sail,
Gwaed Adda'r Ail yw'r sêl;
Mwy gwerthfawr yw nag aur Peru,
Llawn yw o laeth a mêl.
Dyma Fibl anwyl Iesu,
Dyma rodd deheulaw Duw;
Dengys hwn y ffordd i farw,
Dengys hwn y ffordd i fyw;
Dengys hwn y codwm erchyll
Gafwyd draw yn Eden drist;
Dengys hwn y ffordd i fywyd
Trwy adnabod Iesu Grist.
Goleu nerthol yw dy eiriau,
Melus fel y diliau mêl,
Cadarn fel y bryniau pwysig,
Angau'm Hiesu yw eu sêl;
Rhai'n a nertha'm henaid gerdded
Ddyrus anial ffordd yn mlaen,
Rhai'n a gynal f'enaid egwan
Yn y dwr ac yn y tân:
