Gwirwyd y dudalen hon
Beddargraff SION TROGWY.
Dyn o faintioli cawraidd, ac ymladdwr bwystfilaidd.
Dyma fan trigiant Sion Trogwy,—gwingodd
Ag angeu'n ofnadwy:
Da i bryfaid bu'r ofwy,
Ni bydd moes o safn bedd mwy!
—Morwyllt.
HEN GYNHENWR.
Wedi oes hir o gadw sŵn,—a llywio
Mewn llawer nyth cacwn,
Aeth blaenor cynghor y cŵn
I'w senedd yn llys annwn.
—Cynddelw.
Beddargraff y CYBYDD.
Trengu, er casglu, wna'r call—arianog,
Ryw ynyd, fal anghall;
A thraddodir, gwedi'r gwall,
Ei loi aur i law arall.
